منتدى طلاب الشام والعرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تجربة مؤلمة ...جدا

2 مشترك

اذهب الى الأسفل

تجربة مؤلمة ...جدا Empty تجربة مؤلمة ...جدا

مُساهمة من طرف Hamzeh الجمعة يناير 18, 2008 4:59 pm


السلام عيلكم و رحمة الله و بركاته اخوتي وأخواتي :

عشت تجربة غاية في الالم و أتمنى من الله ان لا يذوقها أحد منكم ...

و الله مؤلمة ....و كلما تذكرتها تعكر مزاجي ... Mad

و احببت ان أروي لكم ما حدث معي كي تأخذوا حذركم ..

في أخر السنة الماضية ....بآخر يوم بالفحص ...

بتعرفوا فحصنا مو متل فحصكم على مدى شهر ...لا أبدا

بأسبوع زمان بيكونو خلصوا علينا ...قصدي بتكون موادنا خلصت يعني كل يوم مادة او مادتين

و لحق اذا بتلحق ....

المهم : تخيل شعورك بعد هالفحص القاتولي !!! بيحس الواحد حالو رح ينفجر و يطرش العالم ...
jan 12


آخر يوم بعد ما خلصنا الفحص بنفس اليوم نزلت انا و اصدقائي على الصالة الرياضية لنفش قهرنا ...
ayon12


و ما خلينا على حالنا شي :

لعبنا سلة ...

بينبون (بالمناسبة أنا عم دور على متحدي بكرة الطاولة لأهزمو عالسريع )

ريشة ...

و سبحنا ...

وحتى لعبنا فيشة ....

و بعد كل هالرواق كنت هلأ طالع من المسبح و انعزمت مرة تانية على لعبة سلة ...

وكان في لعيبة غير شكل ...يعني على كيفكم ...

نزل المعلم فراس ... واو12 (يعني انا لا تقرفوا ) و كانت اللعبة حامية بشكل مو طبيعي..

و هاد يعني أنو لازم ابذل اقصى ما عندي لفرجي الشباب الطيبة أديش أنا لعييب...

و نطيت هديك النطة ......لأسناول الطابة من الريباوند صرخ واحد من الشباب ولي على هالنطة !!!؟؟؟

هو خلص كلمتو و انا كنت على الارض ....نزلت على رجلي بالميل و طقت هديك الطقة ....

صرخت أعلى صوت بحياتي .........

و انسطحت على الارض ... masra7 12 حملوني الشباب الطيبة لتحت الدوش بسرعة مشان يحطولي رجلي تحت المي على أساس أنو افضل ...

طلعت على رجلي وشفت هديك الشوفة

الله لا يورجيها لحدا ....و الله كأنو طابة تنس تحت الجلد ...يعني ورمت ورم مو طبيعي ...

كنت رح انهار لما شفتها ...

المهم مسؤؤل الصالة طلب الاسعاف ..

و ما في دقيقة كانت الاسعاف عندي (بتعرفو خدمة سريعة ...)

مسؤؤل الصالة ما تنازل يروح معي على المستشفى راح معي رفيقي ....

لوين على مستشفى لا تقرفو ....(رح تعرفو ليش عم أحكي هيك بعد شوي)

وصلنا على المشفى و نزلوني جماعة السيارة على سرير المشفى و اختفوا ...يعني بقي معي بس رفيقي

لما حطوني على السرير تخيلت انو كل أطباء المستشفى رح يعملوا استنفار لما يشوفو حالتي ...

بس ويـــــــــــــــــــــــــــــــن لعمى شو أجدب أنا ...و الله ما حدا لحدا ..

تخيلوا رجلي أد الطابة من الورم و انا عم موت من الوجع و ما حدا لحدا ...

ما حدا قلي شو صار معك ...كاني مو بالمشفى ...

راح رفيقي يدور على دكتور العظمية اللي موجود طبعا ...

وأنا ماسك اعصابي و عم ادعي و اقرأ قرأن ....

بعد طول انتظار اجا رفيقي ليقلي أنو مالقى دكتور العظمية ... راح اتصل بأهلي ..

مين رد عليه الوالدة ..

وأحلى الشي أنو يخبرها انو ابنك بالمستشفى مشان تروح فيها ...ما حسن يخبرها...

و انا رح موت و ما حدا لحدا ... sad12 والله تمنيت بهديك اللحظة انو الله يعطيني القوة لحتى كسر كل المستشفى jan 12

الله لا يعطيون العافية على هيك مشفى ....و الله هاد مسلخ مو مشفى ...

شفق علي دكتور التصوير و رضي أنو يعملي صورة ...(مو الي لرجلي طبعا )

بعد ما اخدت الصور اللي كانت واضحة طبعا ....

تنازل واحد من موظفي المستشفى (موظف مو ممرض ولا دكتور ) أخد الصورة و كانو دكتور

وحذرو شو سألني ؟؟؟؟؟ 7et123

سألني هي صورة شو ؟؟؟

شو بدي جاوبو ؟؟؟ كنت رح انفجر...جاوبتو بهدوء :رجلي!!!

فقرر بسرعة انو رجلي بدها جبسين ....ما شاء الله ....شاطر كتيير

لدرجة انو بدون ما يطلع على رجلي و بنظرة وحدة على الصورة .....و بدون ما يكون دكتور أو ممرض

هيك قرر الافندي ...و قلي فوت على الجبسين ...

أنا كان فيني عقل و راح .... سألتو ما بدو الطبيب المشرف يشوف الصورة ؟؟؟

صرخ علي :بدك تعلمنا شغلنا !!! Twisted Evil

فوت على الجبسين !!!!

مشان الله تخيلوا هالموقف..... و أنا رح موت من الوجع .... sad12

شو بتساوو لو كنتو محلي !!!!

شووووووووووووووووووو ؟؟؟؟؟؟؟؟؟؟؟

جبسين و بدون ما يكون في دكتور والله ما زبطت معي ....

يعني كنت بالاصل ما اجيت على المشفى ...كنت رحت لعند شي باطنجي (عامل اسمنت) !!!

قلتلوا انو ما رح جبسن رجلي لحتى يجي دكتور العظمية ..و بتصور أنو هاد حقي ....

مو هيك يا شباب مشان الله قلولي !!!!!!

شو ساوى الاخ (الله لا يوفقو ) قلي أنت زلمة ما بدك تتعالج ..الله معك ..وكتب يخرج المريض على زمته ..

شووووووووووووووووووووووووووووو

بكل بساطة قلي : الله معك ...

هون انا جنيت بس للأسف ما فيني أعمل شي ...رجلي مضروبة و ما عم احسن وقف عليها ...

و رفيقي بلش يعالج معو و هو ...........حيط

بكل بساطة قلعني ...لا وشو أحلى حركة أنو قلي نزيل من على التخت هاد للمشفى ...

شووووووووووووووووووووووووووووووو

امشي على رجلي مشان تزداد حالتها سوء ... والله ما رضي الا انو انزل ...

الله يجزيه الخير رفيقي حملني على باب المسلخ (المستشفى ) و أخدلي تكسي لعند أهلي ..

و شوفو على هالصدفة (سبحان الله )سائق التكسي سألنا شو القصة و حكينالو .....

تصوروا حكالنا السائق انو انكسرت ايد زوجتوا و بنفس المشفى و على مدى سنة كل مرة يجبرولها ايدها و تلحم غلط ...يرجعوا يكسروها و يجبروها غلط .....أربع مرات



تخيل واحد عم يكسرلك ايد !!!!!!!!!!!!!

طلبوا منو صفائح بستين الف ليرة .... و على الفاضي .....تخيلوا

الله لا يدوقها لحدا ...

لحتى راح على مشفى خاص و عالجها .....و تكلف هديك الحسبة





الحمد لله بعدين أخدني والدي على طبيب عربي

الطبيب العربي طبعا ما عندو تخدير ....طلع الكاحل منزاح من محلو ...

و بايده الحنونة رجع الكاحل لمحلو و انا متت و عشت و صوتي وصل لآخر الدنيا ......

الصراحة انو الطب العربي أثبت جدارتو ....خلال شهر رجعت اركض على رجلي متل أول و الحمد لله

أما شو صيفية قضيتها بالبيت ....

غير اني كنت محبوس وقت الدراسة ...

الحمد لله على كل حال ....

و الله عرفت معنى أنو الصحة تاج على رؤوس الاصحاء لا يراها الا المرضى ...

يا ربنا لك الحمد كما ينبغي لجلال وجهك و لعظيم سلطانك

سبحانك لا نحصي ثناء عليك انت كما اثنيت على نفسك .....

يا شباب : حمدوا الله على صحتكم و عافيتكم ....و متل ما بيقولو اذا أردت ان تعلم نعم الله عليك اغمض عينيك...

و فوتت المشفى الله لا يدوقها لحدا ........

شو رأيكم ؟؟؟؟

عجبتكم هالأحداث ........

عطوني رأيكم (بس بشرط كل واحد بيقول الحمد لله عشر مرات على الاقل )....

لا تواخذوني على الاطالة .....
Hamzeh
Hamzeh
مشرف المهندسين

ذكر
عدد الرسائل : 49
العمر : 38
المزاج : ما في أروق من هيك
علم البلد : تجربة مؤلمة ...جدا Male_s18
الدراسة : هندسة اتصالات في البحوث العلمية\سنة رابعة
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 03/01/2008

الرجوع الى أعلى الصفحة اذهب الى الأسفل

تجربة مؤلمة ...جدا Empty رد: تجربة مؤلمة ...جدا

مُساهمة من طرف رورو الجمعة يناير 18, 2008 8:35 pm

الحمد لله على الصحة يلي ما بتتقدر بتمن

بس عنجد المشافي صايرة
مسالخ ((عجبني هالمصطلح كتير )) لأني دقتها للروحة عالمشفى

بعد حبس البكلوريا سنة و الصيفية الي قبلها طبعا

مرضت بمرض و كان لازم اقعد بالمشفى شي شهر

صحيح انو المشفى خاص و محترم كتير

و أبي كان مدير الجراحين فيه

يعني كنت مدعومة كتير

ومع هيك حسيتو مسلخ


وليييييي
تنذكر و ما تنعاد
يسلمووو ايديك عالموضوع
والحمد لله على سلامتك Hamzeh

آسفة عالاطالة
سلام
رورو
رورو
المشرفة البناتية

انثى
عدد الرسائل : 384
المزاج : تماااااااام
علم البلد : تجربة مؤلمة ...جدا Female70
الدراسة : تربية
sms : طنش .. تعش ... تنتعش ...!!!!!!!

تاريخ التسجيل : 23/12/2007

الرجوع الى أعلى الصفحة اذهب الى الأسفل

تجربة مؤلمة ...جدا Empty رد: تجربة مؤلمة ...جدا

مُساهمة من طرف Hamzeh السبت يناير 19, 2008 5:32 pm

شكرا على مرورك أنسة روررررررررو
والدك جراح و عم تحكي مو..
عم أمزح
الله يديم الصحة و العافية
Hamzeh
Hamzeh
مشرف المهندسين

ذكر
عدد الرسائل : 49
العمر : 38
المزاج : ما في أروق من هيك
علم البلد : تجربة مؤلمة ...جدا Male_s18
الدراسة : هندسة اتصالات في البحوث العلمية\سنة رابعة
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 03/01/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى